برق العز
أهلا ومرحبا بك زائرنا الكريم في منتديات برق العز ونأمل أن تسجل معنا حتى تفيد وتسفيد و تتواصل مع أحباءك وأصدقاءك
وتذكر قول الله تعالى (( ما يلفظ من قول إلا لديه رقيب عتيد ))


منتدى برق العز موقع تواصل اجتماعي دردشة برامج تبادل خبرات
 
الرئيسيةالبوابة*التسجيلدخولتسجيل دخول الأعضاء

                     

مساحة إعلانية
تي في قرأن






المواضيع الأخيرة
» أقرأ وتخيل
الجمعة يونيو 06, 2014 6:40 am من طرف عاشقة امي

» في مجتمعي
الجمعة يونيو 06, 2014 6:34 am من طرف عاشقة امي

» معلومات غريبة جدا ومفيدة جدا جدا
الجمعة يونيو 06, 2014 6:22 am من طرف عاشقة امي

» انتبهو.............انتبهو...............انتبهو....
الجمعة يونيو 06, 2014 6:12 am من طرف عاشقة امي

» مستشفى بيت مال المسلمين
الخميس يناير 30, 2014 1:08 am من طرف Admin

» دوري الشطرنج بمركز الشباب
الخميس يناير 30, 2014 1:04 am من طرف Admin

» كان هناك فراشة
الأحد نوفمبر 10, 2013 9:37 am من طرف طارق عبداللاة

» توفير عمالة من مصر كافة المهن بدون مصاريف فقط خلال 14 يوم (مكتب استقدام عمالة مصرية)
الأحد مارس 17, 2013 5:51 am من طرف nour2000

» احتاجك بقربي
الثلاثاء فبراير 26, 2013 10:43 pm من طرف Admin

» لا يسأل عنك !!!!
الثلاثاء فبراير 26, 2013 10:41 pm من طرف Admin

» فَــقَـط أُريـــدُ نَظــرَةٌ واحِـــدَة
الأحد يناير 06, 2013 12:49 pm من طرف الفردوس

» دخيل الله أبي إنسان
الأحد يناير 06, 2013 12:35 pm من طرف الفردوس

» بعــــدَ فـــواتِ الأوان
الأحد يناير 06, 2013 12:32 pm من طرف الفردوس

» أذا سمعت احدا يسب عمر
الأحد يناير 06, 2013 12:18 pm من طرف الفردوس

» حبيب العمر
الخميس أكتوبر 11, 2012 5:20 am من طرف راسم ورسام

» كيف لا احبك...!!!
الخميس أكتوبر 11, 2012 5:17 am من طرف راسم ورسام

» أنفاســـكِ لــي وحـــــــدي
الخميس أكتوبر 11, 2012 5:06 am من طرف راسم ورسام

» معجزة من العيار الثقيل جداً والله ما حتصدق
الثلاثاء يونيو 26, 2012 4:01 pm من طرف الفردوس

» لماذا الرسول كان يبكي !!!!!!
الأربعاء مايو 16, 2012 2:44 pm من طرف t_arek8

» عشر خطوات لمعالجة السرحان فى الصلاة
الأربعاء مايو 16, 2012 2:06 pm من طرف t_arek8

التوقيت المحلي
أفضل 10 أعضاء في هذا المنتدى
همسات
 
Admin
 
الفردوس
 
أبوالعز الزهيري
 
اشرف الغريب
 
aml
 
دعاء
 
بنت العراق
 
t_arek8
 
الحوت
 
بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 37 بتاريخ السبت ديسمبر 14, 2013 7:48 am

شاطر | 
 

 كشف حقيقة مدير صفحة كلنا خالد سعيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دعاء
صاحب حضور دائم
صاحب حضور دائم
avatar

عدد المساهمات : 281
نقاط : 493
تاريخ التسجيل : 05/01/2011

مُساهمةموضوع: كشف حقيقة مدير صفحة كلنا خالد سعيد   الأحد فبراير 13, 2011 5:18 am

الرحمن الرحيم



رسالة لكل الشباب: أولا أنا باشكر كل الناس اللي بتنتقدني. فيه ناس بعتتلي ايميلات انتقادات واتصلت ببعضهم واتأسفت عن الخطأ لو ارتكبته. عايزين ننسى شوية فكرة الإنسان اللي مش بيرتكب غلطة. يعني مش عشان وائل غنيم أو غيره عمل غلطة يبقى وحش بس المهم إن اللي يعمل غلطة يكون عنده شجاعة الاعتذار والناس يكون عندها شجاعة تقبل الاعتذار.



الرد على الإشاعات عملية مرهقة جدا وبتستنزف طاقة بس نظرا لأني كنت شخص محدش يعرفه وفجأة ظهر على السطح وكل الناس شايفاه فأنا مقدر إن ناس كتير بتقلق. وعشان كده أنا هارد لأوضح مواقفي وأرد على كل الشائعات. ويا ريت تصدقوني لأني مش باكذب وكل كلمة باقولها هي الحقيقة اللي ملتزم بيها أمام ربنا.



[1]

زوجتي أمريكية أسلمت قبل سنة كاملة من مقابلتي ليها عن اقتناع وبعد قراءة كتب كتيرة عن الإسلام. زوجتي كانت مسيحية قبل إسلامها وزوجتي ملتزمة بتعاليم الإسلام أو بمعنى تاني زوجتي مسلمة أحسن مني ألف مرة. محجبة وبتصلي وبتصوم وبتربي الأولاد على احترام الدين.



[2]

أنا حضرت مظاهرة 25 يناير مش زي ما الناس بتقول إن محضرتهاش. وعندي صور وفيديوهات ممكن أبقى أنزلها. كنت مع المهنيين أمام دار الحكمة ورحت التحرير. وحضرت جزء من المجزرة بتاعة بالليل.



[3]

أنا مدير التسويق في الشرق الأوسط وشمال أفريقيا في جوجل واختصاصاتي هي الدول العربية فقط من الجزائر لحد الخليج. وحاليا أنا في إجازة عن العمل وتم سحب كل ما له علاقة بالعمل مني وده من تاريخ بداية الثورة. الشركة بتاعتي مكانتش تعرف حاجة عن الصفحة ومكانوش يعرفوا إني نازل أتظاهر. وجوجل مالهاش أي علاقة باللي حصل.



[4]

أنا مقدمتش على أي جنسية في حياتي غير المصرية. وده مش عشان أي حاجة إلا إني باحب بلدي وكنت رافض فكرة الجنسية المزدوجة لأني فخور إني مصري مش علشان أنا عميل وهما طلبوا مني للتخفي إني مقدمش على الجنسية زي ما بعض الناس بتقول.



[5]

أنا وعدت الناس بالانسحاب بمجرد تحقيق الأهداف. وأنا فعلا هانسحب بس الاهداف متحققتش. أنا لن يكون لي أي اشتراك في الحياة السياسية المصرية بس كمصري محدش يقدر يمنعني من المساهمة في تنمية المجتمع وتطوير التعليم وتشجيع السياحة ومساعدة الاقتصاد. ده اللي أنا باعمله دلوقتي عشان ده أهم بكتير أوي من اسقاط النظام السابق. أنا دلوقتي مركز على مبادرات لتنمية المجتمع لأن هو ده المهم حاليا تعليم المجتمع وتطويره.



[6]

موضوع الحديث مع الوكالات الأجنبية: أنا فعلا قلت مش هاتكلم معاهم وفضلت لأيام طويلة مش باتكلم معاهم رغم إن كل يوم بيجيلي منهم أكتر من عشرين مكالمة وزيارة في البيت. وظهرت في السي إن إن لسبب واحد هو إن اللواء عمر سليمان طلع على قناة إي بي سي الأمريكية بيقول للأمريكان إن المصريين غير مؤهلين للديموقراطية وإن الإخوان اللي عملوا المظاهرات فكان لازم أرد عليه ومظهرتش بعدها نهائيا في أي وسائل إعلام. لكن بعد انتهاء الثورة ظهوري في وسائل الإعلام ضروري لتوضيح صورة شباب الثورة وتقديم فكرة ايحابية عنهم. ودلوقتي محدش هيزايد خلاص. فقرار عدم الحديث ده كان مرهون بوقت الثورة واتكسر مرة واحدة بس بناء على اللي حصل مع عمر سليمان. ولازم نفهم ان القرارات ممكن تتغير لو الظروف اتغيرت.



[7]

أنا كتبت موقفي من التدخل الأجنبي بكل وضوح وقلت إن الحكومات الغربية لازم تفهم إن المصريين مش بينضحك عليهم وإن الحكومات دي بتدور على مصالح شعوبها بس وطلبت منهم عدم التدخل في شؤون مصر. ولو حصل أي محاولة للتدخل الأجنبي هنكون كلنا كشباب للثورة مستعدين نضحي بدماءنا عشان نحمي بلادنا من أطماع الأجانب.



[8]

بالنسبة للتضارب في موقفي ليلة الخميس (قبل تنحي الرئيس بيوم) وتصوير بعض وسائل الإعلام لموقفي ليلة الخميس بإني باطالب الناس بالرجوع لبيوتهم: أولا ندائي للناس كان قبل سماع خطاب الرئيس اللي كان كل مصر افتكرت خلاص إنه اتنحى. ده كان غلط مني فعلا وكان لازم أنتظر الخطاب قبل التعليق بس على فكرة الغلط ده وقع فيه أكبر رؤساء العالم وهو أوباما لأن الشائعات كانت قوية بتنحي الرئيس. وبعد ما الرئيس اتكلم أنا ما أعلنتش موقفي إلا تاني يوم الصبح. وأعلنته بكل قوة في قناة العربية وقلت إننا كشباب أقوى وهنفضل نطالب بحقوقنا لحد ما ناخدها.



[9]

بعد إعلان تنحي الرئيس كأي شاب تعرض لظلم شديد كان عندي مشاعر غضب وفرحة ورغبة في التشفي وده كان برضه غلط. بعد أقل من ساعة قررت إني أتراجع عن الموقف ده لأنه مش موقف نبيل وقررت إني أحذف كل رسالة سخرية كتبتها لأن في النهاية احنا معملناش الثورة دي لتصفية الحسابات إحنا عملناها عشان كلنا بنحلم بمصر أحسن.



[10]

فيه ناس بتحاول التشكيك في وائل غنيم عن طريق التشكيك في جوجل. أولا وائل غنيم مش جوجل وائل غنيم هو موظف في شركة جوجل زي ما حضرتك تبقى موظف في بنك أو شركة عادية. خدوا بالكم من النقطة دي جدا لأن فيه ناس بتحاول تهاجمني من خلال جوجل. وعلى فكرة مشكلة الترجمة في جوجل مشكلة معروفة وموجودة في لغات كتير وليها سبب علمي وهو إن ترجمة جوجل بتعتمد على تقنيات بتسبب أحيانا في أخطاء عدم دقة والإسرائليين نفسهم بيلاقوا أخطاء زي دي في الترجمة من انجليزي لعبري. فيا ريت ناخد بالنا.



[11]

أقسم بالله العظيم مش عايز أي حاجة منك يا مصر. أنا بس عايزك بخير



رسائل أخيرة للشباب:



- أنا باراعي ضميري .. بجد مش باعمل أي حاجة تخليني مانامش بالليل .. هافضل دايما بيحركني دافع الوطنية وحب البلد والخوف على ولادها .. ممكن أرتكب أخطاء بس هاسمع نصايحكم وهاصلح أخطائي وأعتذر عنها بشكل رسمي.



- وائل غنيم مش رمز ... وائل غنيم هو شخص عادي جدا زيه زيكم وحاول يكون ايجابي وربنا استخدمه في تحقيق حلم المصريين وكان ليه دور بسيط جدا زي ما ربنا بالظبط استخدم مئات الشهداء وآلاف المصابين وملايين المصريين. يا ريت بلاش التركيز على شخصنة الثورة في شخص وائل غنيم لأني مجرد واحد عادي.



- أنا خلال 20 يوم عديت بظروف صعبة جدا .. أول مظاهرة في حياتي .. وشعور بالخطر على حياتي .. وبعدين اختطافي .. وبعدين نايم متغمي العين وايدي متكلبشة لمدة 12 يوم .. وبعدين خرجت عشان أكون من المشاركين في المظاهرات .. وبعدين تحصل مشكلة الضغط على الناس وخطابات الرئيس .. كل الوقت ده مكنتش بانام كويس .. فيه 3 أيام أنا نمت فيهم ساعة واحدة بس. فطبعا الضغط ده كله تسبب في أخطاء كتير وفي إن شخصيتي تكون عصبية على غير العادة. أرجو تسامحوني لأن دول كانوا أصعب عشرين يوم في تاريخ مصر كله بدون أي مبالغة.



- شخصيا مسامح كل واحد شك وبيشك وهيشك في نوايا وائل غنيم لأني مقدر إن فيه انعدام للثقة عشنا فيه كتير في مصر ولأن برضه مش كل الناس لازم تثق في كل الأشخاص ولأن وائل غنيم بشر وهيفضل يرتكب أخطاء.
الرجوع الى أعلى الصفحة اذهب الى الأسفل
اشرف الغريب
مشرف عام
مشرف عام
avatar

عدد المساهمات : 480
نقاط : 870
تاريخ التسجيل : 07/12/2010
العمر : 44
الموقع : مصر - السعوديه

مُساهمةموضوع: رد: كشف حقيقة مدير صفحة كلنا خالد سعيد   الأحد فبراير 13, 2011 2:25 pm

جزاكي الله كل خير يا دعاء على هذا الموضوع
وتقبلي تحياتي
بس الخط صغير تعبت على ما قرأت الموضوع



الرجوع الى أعلى الصفحة اذهب الى الأسفل
أبوالعز الزهيري
مستشار قانوني
مستشار قانوني
avatar

عدد المساهمات : 504
نقاط : 801
تاريخ التسجيل : 15/12/2010
العمر : 41

مُساهمةموضوع: رد: كشف حقيقة مدير صفحة كلنا خالد سعيد   الإثنين فبراير 14, 2011 1:03 pm

نتمنى من الله ان يكون كل الشباب المصري الي قامو بالثورة يكونو على قدر من الامانة تجاه بلدهم واخوانهم نتمنى ان يوفقك البلد لما فيه الخير ان شاء الله
تحيااااااااااااااااااتي

_________________
إذا لم تجدعدلاً في محكمة الدنيا
فارفع ملفك لمحكمة الآخرة
فإن الشهود ملائكة
والدعوى محفوظة
والقاضي أحكم الحاكمين

قال عمر بن الخطاب رضي الله عنه وارضاه ... العراق جمجمة العرب وكنز الرجال ومادة الأمصار ورمح الله في الأرض فأطمئنوا فأن رمح الله لآينكسر
الرجوع الى أعلى الصفحة اذهب الى الأسفل
 
كشف حقيقة مدير صفحة كلنا خالد سعيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
برق العز :: أحدث الأخبار العالمية-
انتقل الى: